ХАМТАРСАН ХӨДӨЛГӨӨНТ ЭРГҮҮЛ ЗОХИОН БАЙГУУЛЖ АЖИЛЛАЛАА Нийслэлийн Засаг даргын 2026 оны 08 дугаар сарын 18-ны өдрийн А/1157 дугаар захирамжийн хэрэгжилтийн хугацаа дуусгавар болсонтой холбогдуулан 2026 оны 10 дугаар сарын 19-ний өдөр холбогдох байгууллагуудын хамтарсан хөдөлгөөнт эргүүл зохион байгууллаа. Хамтарсан хөдөлгөөнт эргүүлд НОБГ, НЭМГ, НЗӨСТ, НБОГ, НЦУГ, НМЭГ, ЭКОЦА-ны албан хаагчид оролцож, нийслэлийн нутаг дэвсгэрт байрлах байнгын болон түр хяналтын цэг, постуудын үйл ажиллагаанд хяналт шалгалт хийв. Хяналт шалгалтын хүрээнд нийт 10 байршилд ажиллаж, хяналтын цэгүүдийн үйл ажиллагаа захирамжийн хэрэгжилтийн хугацаанд хэвийн явагдсан байдалд хяналт тавилаа. Мөн захирамжийн хэрэгжилтийн хугацаа дуусгавар болсонтой холбогдуулан 2026 оны 10 дугаар сарын 19-ний өдрөөр түр хяналтын постуудын үйл ажиллагааг дуусгавар болгож, татан буулгах ажлыг зохион байгуулан, холбогдох албан хаагчдад үүрэг, чиглэл өгч ажиллалаа. Хамтарсан хөдөлгөөнт эргүүл нь захирамжийн хэрэгжилтийг хангах, хяналтын цэгүүдийн үйл ажиллагаанд хяналт тавих, түр хяналтын постуудын үйл ажиллагааг зохих журмын дагуу дуусгавар болгоход чиглэв.

Байгалийн голомтот Зоонозын халдварт өвчнөөс урьдчилан сэргийлэх сургалт, мэдээлэл зохион байгууллаа. НЗӨСТ-ийн халдвар судлагч эмч Багануур дүүргийн 1,2,3,4,5 дугаар хорооны ажилтнууд, иргэд мөн 1, 4 дүгээр хорооны ӨЭМТ-ийн эмч нарт “Байгалийн голомтот зоонозын халдварт өвчин, түүнээс урьдчилан сэргийлэх нь” сэдвээр сургалт мэдээлэл зохион байгууллаа. Сургалтын үеэр байгалийн голомтот зоонозын халдварт өвчний тархалт, халдвар дамжих зам, эрсдэлт хүчин зүйл, урьдчилан сэргийлэх арга хэмжээ, иргэдэд хүргэх зөвлөмжийн талаар мэдээлэл өгч,мэргэжил арга зүйн зөвлөгөө хүргэлээ. Мөн хөрш зэргэлдээ Төв аймгийн Мөнгөнморьт суманд 2022-2025 онд малын Боом өвчин дараалан, 2022-2024 онд хүний боом өвчний тохиолдол бүртгэгдсэнтэй холбогдуулан иргэдэд дараах зөвлөмжийг хүргэж байна. Үүнд: Мал, малын гаралтай бүтээгдэхүүнийг худалдан авахдаа гарал үүслийн гэрчилгээ, чанар аюулгүйн баталгаажилт хангасан эсэхийг сайтар нягталж худалдан авах. Өвчилсөн, үхсэн малын мах, түүхий эдтэй харьцахгүй байх Малын өвчлөл, хорогдол илэрсэн тохиолдолд холбогдох байгууллагад яаралтай мэдээлэх. Малтай харьцах, мах боловсруулах үед хамгаалах хэрэгсэл хэрэглэж, хувийн ариун цэврийг сайтар сахиарай. Зоонозын халдварт өвчнөөс урьдчилан сэргийлэх нь хүн бүрийн оролцоо, зөв дадал хариуцлагатай үйлдлээс эхэлдэг. Эрүүл мэндээ хамгаалж, эрсдэлээс хамтдаа сэргийлье.

Ажлын байр ба гэртээ халдвараас хэрхэн сэргийлэх вэ? • Гараа тогтмол угаах • Амны хаалт зөв хэрэглэх • Орчиндоо чийгтэй цэвэрлэгээ хийх • Өрөөг тогтмол агааржуулах • Хүн хоорондын зай барих • Ханиаж, найтаахдаа ам хамраа дарах • Дархлаагаа дэмжих • Шинж тэмдэг илэрвэл гэртээ байх, эрүүл мэндийн байгууллагад хандах Энгийн дадал — Эрүүл амьдрал

Халдварт өвчний эрсдэлээс сэргийлэх өдөр тутмын дадал Халдварт өвчнөөс сэргийлэх нь бидний өдөр тутмын энгийн дадлаас эхэлдэг. Гараа тогтмол угаах, амны хаалт зөв хэрэглэх, орчноо цэвэр байлгах, зай барих нь халдвар тархахаас сэргийлэх хамгийн үр дүнтэй арга юм. Мөн дархлаагаа дэмжиж, зөв хооллож, сайн амарч, идэвхтэй хөдөлгөөн хийх нь эрүүл мэндээ хамгаалах чухал алхам билээ. Өдөр тутмын зөв дадлыг хэвшүүлж, өөрийгөө болон бусдыг хамгаалцгаая.

Өөрийгөө болон бусдыг хамгаалах халдварын эсрэг зөвлөмж Хувийн ариун цэвэр • Гараа савандаж 20 секундээс доошгүй хугацаанд тогтмол угаах • Спиртэн суурьтай гар ариутгагч хэрэглэх • Ам, хамар, нүдэнд гараараа хүрэхээс зайлсхийх • Ханиах, найтаахдаа ам, хамраа дарах Эрүүл зан үйл • Дархлаагаа дэмжих (зөв хооллолт, амин дэм) • Сайн унтаж амрах • Тогтмол дасгал хөдөлгөөн хийх

Болзошгүй халдварт өвчнөөс урьдчилан сэргийлэх нь хүн бүрийн оролцоо, хариуцлагаас хамаарна. Та дараах зөвлөмжийг өдөр тутамдаа хэрэгжүүлснээр өөрийгөө болон бусдыг хамгаалах боломжтой: Гараа тогтмол, зөв угаах Амны хаалт, хувийн хамгаалах хэрэгслийг зөв хэрэглэх Ажлын байр, гэрийн орчноо тогтмол цэвэрлэж, халдваргүйжүүлэх Дархлаажуулалтад идэвхтэй хамрагдах Өвчний шинж тэмдэг илэрвэл цаг алдалгүй эмнэлэгт хандах